Presentación oficial do Campionato de España de Xabaril a celebrar en Tomiño
No día de onte, 9 de xuño, tivo lugar na Diputación de Pontevedra a presentación oficial do XXXII Campionato de España de Cans de Rastro Atrelados sobre Xabaril que se desputará na localidade pontevedresa de Tomiño o vindeiro 28 de xuño.
Outra proba Nacional a celebrar en Galicia grazas á colaboración da Sociedade de Caza A Tomiñesa e coa organización da Real Federación Española de Caza, a Federación Galega e a delegación federativa de Pontevedra.
No acto oficial de presentación interviron as seguintes autoridades: Josep Escandell, presidente da RFEC; Luis López, presidente da Deputación de Pontevedra; Luis Eusebio Fidalgo, vicepresidente da RFEC e presidente da FGC; Juan Álvarez, representante da Sociedade de Caza A Tomiñesa; Nicolás Lorenzo, director territorial de Medio Ambiente de Pontevedra; Rubén García, concelleiro de Deportes de Tomiño; Oscar Meijide, delegado nacional de Rastro de Xabaril; Francisco Couselo, presidente da FGC de Pontevedra; Ramón Rodríguez, vicepresidente da FGC e Jaime González, delegado galego de Rastro de xabaril.
Todo quedou emprazado para o vindeiro 28 de xuño en Tomiño onde se desputará un dos campionatos de España con máis arraigo nos monteiros do Norte.
