A Real Federación Española de Caza (RFEC), tras a confirmación por parte do Ministerio de Agricultura, Pesca e Alimentación dos dous primeiros casos de Peste Porcina Africana (PPA) en xabariles en Cataluña, quere trasladar a todo o sector cinexético e ao conxunto da sociedade as seguintes consideracións:
1. Máxima prudencia e rexeitamento á difusión de bulos
A PPA é unha enfermidade de altísima vixilancia sanitaria na Unión Europea. Ante unha situación tan sensible, a RFEC pide a cazadores, medios de comunicación e cidadanía non difundir informacións non verificadas, rumores ou interpretacións alarmistas. Toda información oficial publicarase exclusivamente a través das autoridades competentes.
2. Colaboración absoluta coas administracións
A RFEC ponse, como sempre, ao dispor do Ministerio de Agricultura, das comunidades autónomas e dos servizos de sanidade animal para colaborar en todo o necesario. Os cazadores desempeñan un papel clave na detección temperá, control poboacional e vixilancia sanitaria do xabaril, como xa se demostrou en numerosos países europeos.
3. Chamamento a reforzar as medidas de bioseguridade
A federación lembra a todos os cazadores e sociedades de caza a importancia de extremar as medidas de bioseguridade recomendadas: manipulación hixiénica de pezas, xestión adecuada de subproductos, limpeza e desinfección do material e vehículos e evitar calquera movemento de restos biolóxicos fóra dos puntos autorizados.
Desde a RFEC actualizaranse as recomendacións conforme se publiquen protocolos adicionais e seguirá en contacto coas autoridades sanitarias para informar puntualmente o sector e garantir que cazadores, xestores e sociedades dispoñan de instrucións claras e fiables.
INFORMACIÓN ADICIONAL
Información xeral sobre a Peste Porcina Africana (MAPA):
PPA en xabariles silvestres e protocolo de actuación en caso de detección:
