Corsino Valero coa pointer “Mia” foi o campión de San Huberto na Festa da Caza de Lugo
O monte do Cristo eran os terreos elixidos pola federación lucense de caza para a celebración, onte 31 de maio, do seu Campionato Provincial de Lugo de Caza San Huberto “Xunta de Galicia”.
O Campionato Provincial de Lugo de Caza San Huberto deu como gañador da proba e provincial ao cazador lucense Corsino Valero Villar coa pointer de nome “Mia de los Tsacianiegos”. O segundo posto era para Nuria Varela Painceiras con “Alfa de Cerámica de Sedes” namentras que Mario Dios Rodríguez con “Nilo de Fuente la Teja” era o terceiro clasificado. Ana Isabel Arbiol Ledesma con “China de Vilar de Donas” era a campiona en Donas.
A selección provincial quedou conformada polos seguintes cazadores: Corsino Valero, Camilo Taboada, Unai Arteche, Manuel Ángel Varela e Roberto González.
Este Campionato contou co patrocinio da Secretaría Xeral para o Deporte, Proyecta Galicia, Axencia Touceda, Arion e Mutuasport.
Patrocinado por
