Volver ao inicio
Inicio Calendario Buscar Contacto

Novas
Descargar en PDF Imprimir
REUNIÓN MEDIO RURAL
O Conselleiro do Medio Rural e o Presidente da Federación Galega de Caza acordan fomentar a colaboración
4/8/2010

Tras a entrevista que mantiveron onte martes, 3 de agosto, o Conselleiro do Medio Rural da Xunta de Galicia, Samuel Juárez e o Presidente da FGC, púxose de manifesto, unha vez máis, que a suma de esforzos para a mellora da actividade cinexética debe seguir sendo a principal liña de traballo entre ambas institucións.

Durante a reunión revisaron os principais asuntos que preocupan aos cazadores galegos, deténdose de xeito especial nos danos producidos polas especies silvestres. Ambos constataron que tanto a administración como os cazadores amosan especial inquedanza e interese por esta materia, e extremarán as medidas tendentes a diminuír eses danos, así como a tensión social que xeneran.

En relación cas declaracións realizadas o pasado mércores, dia 28 de xullo, polo Presidente da Xunta de Galicia sobre a caza e os touros, e que o propio Núñez Feijoo emendou nunha entrevista publicada no Faro de Vigo do 1 de agosto, onde preguntado sobre o particular, declarou: “Pido disculpas si no estuve muy agudo en la comparación. Quería decir que si nadie discute la libertad para cazar tampoco nadie debería discutir la libertad para ir a una plaza de toros...”, hai que engadir que o Conselleiro do Medio Rural transmitiu ao Presidente da FGC unha mensaxe de serenidade, e amosou a sua intención de manter as liñas básicas da políctica cinexética plantexadas na actualidade.

Durante o acto tamén asinaron un convenio de colaboración, análogo ao que suscriben cada ano nestas datas ambas institucións. As actividades que se recollen no convenio tratan de mellorar a formación, a información e a seguridade, así como perfeccionar o coñecemento da actividade cinexética a través do Observatorio da Caza.

Xa na rolda de prensa posterior, o Conselleiro avaliou positivamente a realidade da caza social galega, e a vinculación dos cazadores co medio rural, así como a importancia económica da actividade.

O Presidente da FGC resaltou ante os medios de comunicación presentes, a importancia da caza como instrumento de xestión dos espazos, e destacou que se trata dunha actividade sostible; imprescindible como elemento regulador das especies silvestres, en relación coa nosa agricultura e gandeiría.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

COMITÉ GALEGO DE CAZA
15/03/2024
Celebrado o Comité Galego de Caza que marca as pautas da vindeira tempada cinexética 2024/2025

FORO LOBO
12/03/2024
A protección e convivencia do lobo a debate en Lugo

A CAZA TAMÉN VOTA
07/02/2024
Ante os comicios autonómicos a FGC activa “A Caza Tamén Vota”

DISTINCIÓNS MÉRITO DEPORTIVO 2023
31/01/2024
Javier Nogueira e José Ángel Torres reciben as Distincións ao Mérito Deportivo 2023


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza