Inicio Calendario Buscar Contacto

Novas
Imprimir
RASTRO XABARIL OURENSE
Quintela García con “Sildos” é o novo campión provincial
27/6/2011

Salvador Sestelo con “Clai” foi o gañador do campionato

Baixo unhas temperaturas que roldaron os 40º C disputouse, en Nogueira de Ramuín, o Campionato Provincial de Ourense de Cans de Rastro Atrelados modalidade xabaril organizado pola Federación Galega de Caza en Ourense coa colaboración da Sociedade de Cazadores Nogueira de Ramuín.

O campionato acudiron un total de 11 monteiros cos seus respectivos cans que foron xulgados por Manuel Vázquez Mosquera e José Montoiro González, sendo o xurado de competición o composto polo director da proba, José Luis Leites González e Alberto Rodríguez Losada.

Cun terreo sen humidade e o mercurio polas nubes discorreu a fase clasificatoria e final deste campionato que puxo en verdadeiros apertos a cans e monteiro para realizar unha meritoria presentación. Foi o pontevedrés Salvador Sestelo Núñez con “Clai” o que mellor se desenvolveu baixo estas condicións o proclamarse campión con 238,5 puntos. No segundo e terceiro posto situouse Álvaro Fontenla Filgueira con “Ludo” e “Terco” respectivamente.

O sabuxo “Brus” de José Manuel Rivadas quedouse as portas do podio cunha cuarta posición o obter 187,5 puntos. Francisco Javier Rodeiro Eiras con “Sil” situouse na quinta posición con 185,5 puntos. E ata a sexta posición tivemos que acceder para coñecer o novo Campión Provincial de Ourense da modalidade que nesta edición recaeu en José Quintela García co mestizo de nome “Sildos”  e 179 puntos.

José Quintela, Generoso Aragunde, Alejandro Couso, Javier Carballo e Ismael Carballo conforman o equipo de monteiros que representará a provincia de Ourense no vindeiro Campionato Galego de Rastro de Xabaril con Cans Atrelados.
 

GALERIA DE FOTOS:

Campionato Provincial de Ourense de Rastro de Xabaril 2011
 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CAMPIONATO DE CAZA MENOR ADAPTADO
14/10/2019
O galego Artemio Formoso gañador do primeiro Campionato de España de Caza Menor con Can para Cazadores Adaptados

NACIONAL DE PERCORRIDOS DE ARCO
07/10/2019
Dolores Bugarín, Jacobo Santoro, Lee Ramsdale e José Caruncho foron os arqueiros galegos que troixeron medallas para Galicia

GALEGO DE RASTRO DE COELLO
05/10/2019
O muradán Alfonso Rey proclámase en Valga Campión Galego de Rastro de Coello

CARA DE CAN
30/09/2019
Francisco Bautista con “Rambo” gañador na Cañiza do “Cara de can”


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza