Volver ao inicio
Inicio Calendario Buscar Contacto

Novas
Imprimir
ARCEAS LUGO
A sorte fixo que Iván Ferreiro fora o gañador
28/11/2011

Os participantes non puideron saír ao cazadeiro por mor da néboa

O pasado 26 de novembro tiña lugar no concello lucense de Vilalba o Campionato Provincial de Lugo de Caza de Arceas organizado pola Federación Galega de Caza en Lugo en colaboración coa Sociedade de Cazadores de Río Ladra.

Ata un total de 26 cazadores estaban inscritos nesta edición do campionato provincial que por mor da intensa néboa non se puido disputar. É preciso facer unha mención moi especial a tódolos cazadores inscritos pola deportividade mostrada ao non saír o monte dado as condicións climáticas presentes ao longo de toda a mañá.

Un xantar de amizade no que a néboa non impediu os lances cinexéticos puxo o punto e final desta fase provincial na que a clasificación final se resolveu a través dun sorteo. Foi o cazador Iván Ferreiro Losada o que se aliou coa fortuna e se converteu no Campión Provincial, en segunda posición situouse Antonio Vieites Rodríguez. Completou o podio Cesar Julio Rodríguez Ares.

Francisco Álvarez Rubiños, Juan Carlos Gómez Rodríguez e os tres primeiros clasificados representarán a provincia de Lugo no vindeiro campionato autonómico da especialidade que se disputará o vindeiro sábado día 3 de decembro.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CAMPIONATO GALEGO CANS PARADA
2025-09-01
O setter “Único” de Antonio Vilar e o braco “Iron” de Jaime Aneiros, foron os Campións Galegos da Copa Galicia de Cans de Parada 2025

CAMPIONATOS GALEGOS DE ARCO
2025-08-27
Campións galegos de percorridos e arco o voo

MEMORIAL JOSÉ E MANUEL CEA SEOANE
2025-08-12
Domínguez Treinta gañador do Memorial Cea Seoane de Percorridos de Caza

CAMPIONATO GALEGO DE SAN HUBERTO
2025-08-11
Juan Carlos Arteche con “Chula”, Juan José Canosa con “Chispa” e Lidia Almeida con “Dilan” son os novos campións galegos de San Huberto


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza