Unha representación do persoal de tódalas oficinas da Federación Galega de Caza participaba o pasado martes 13 de decembro, nun Taller sobre a Captación e Fidelización de socios, organizado pola Real Federación Española de Caza, ao que asist&�an preto de 30 representantes das diferentes federacións autonómicas.

As xornadas, impartidas por Korazza, club exclusivo para executivos de asociacións, tiñan por obxecto motivar aos executivos e técnicos no desempeño do seu labor, así como valora-la importancia de estar unidos para acada-lo éxito da institución.

Durante a maratoniana xornada, que comezaba ás 9,30 horas e remataba arredor das 8 do serán, realizouse unha análise en profundidade dos diferentes problemas económicos e de xestión que afectan ao colectivo cinexético, e púxose de manifesto unha vez máis a importancia da caza dentro da economía nacional, representando na actualidade preto dun 5% do PIB.

Os coñecementos adquiridos durante este taller trasladaranse, unha vez remate a segunda parte do mesmo, a tódalas sociedades de caza federadas de Galicia co obxecto de motivar e formar aos seus dirixentes no exercicio do seu labor.�