Proba Puntuable para a Copa Galicia da especialidade

O pasado sábado 31 de marzo disputouse no Tecor Arasolis, sito no concello de Fisterra, o  III Campionato de San Huberto Cabo Fisterra organizado pola Sociedade de Caza Fisterrana e o Concello de Fisterra, contando coa colaboración da Federación Galega de Caza.

A esta proba puntuable para a Copa Galicia da modalidade acudiron un total de 19 participantes divididos nos seus respectivos campos e xulgados polos xuíces Ramón Bertoa, Manuel Rebordelo e Jaime Aneiros.

A boa climatoloxía reinante acompañou durante toda a xornada e unha vez rematada esta o Director da Proba, José Canosa Senlle, deu a coñecer a clasificación final quedando do seguinte xeito: O 1º posto foi para Jorge J. Martín Sánchez co can “Fío da Chousa” (P.M) acadando un total de 68 puntos. Na segunda posición situouse Juan José Canosa Vigo coa cadela “Beta da Chousa” (P.F) e 63 puntos. Xa en terceira posición remataba José L. Tarrío Prieto con Yelo (S.I.M) e un total de 48 puntos.