Proba “III Can de Ouro Costa da Morte” para Cans de Rastro de Coello e Rastro de Xabaril

O pasado 15 de xuño disputábase na Sociedade de Cazadores de Mazaricos dúas probas para Cans de Rastro organizadas pola Asociación dos Amigos dos Cans de Caza coa colaboración da Federación Galega de Caza en A Coruña e dita Sociedade de Cazadores.

En Rastro de Coello participaron un total de 19 lotes sendo xulgados por José Antonio Montoiro González, José María Álvarez Villar, José Moure Caneda e Jesús Seoane Sardá.

A proba desenrolouse en catro campos e foi o lote propiedade de Carlos Casas Cambón o que se situou no máis alta da clasificación con 582 puntos acadados cos cans “Tula”, “Sam”, “Eros” e “Era”. O lote formado por “Pistón”, “Tor”, “Linda” e “Laica” propiedade de Jaime López Castro acadaba o subcampionato con 518 puntos. Marcelo Arosa Dasilva con “Mica”, “Usa”, “Lira” e “Lar” quedaba relegado a terceira posición da clasificación xeral con 500 puntos.

O can “Eros” propiedade de Carlos Casas Cambón foi nomeado como mellor can da proba con 152 puntos.

Nesta mesma xornada, os terreos deste Tecor tamén acolleron a proba de Rastro de Xabaril para Cans Atrelados que tamén contou cun total de 19 monteiros que foron xulgados por Alejandro González González e Mario Dios Rodríguez.

Os terreos foron catalogados como moi óptimos para o desenrolo deste tipo de probas. Unha proba que se adxudicou Antonio Sánchez Sesto coa súa cadela “Lúa” e un total de 229 puntos. En segunda posición rematou Francisco Rodeiro Eiras con “Lula” e 221 puntos. Completou o podio Manuel Vecino Fernández co can “Ole” e 207 puntos.