Inicio Calendario Buscar Contacto

Novas
Imprimir
RASTRO COELLO
José Luís Calvo proclamouse como novo campión galego
1/10/2012

Campionato Galego de Cans de Rastro sobre Coello

O pasado sábado 29 de setembro tivo lugar en Vilagarcía de Arousa, concretamente no Tecor de Karsita, unha das probas raíñas do calendario de competicións da Federación Galega de Caza, o Campionato Galego de Cans de Rastro sobre Coello contando coa inestimable colaboración da Sociedade de Cazadores de Karsita.

Á proba chegaron clasificados, dos seus respectivos Campionatos Provinciais, un total de 8 participantes cos seus respectivos lotes de catro cans. Uns lotes que, contando coas boas condicións do terreo no tocante á densidade de lagormorfos, permitiu presenciar extraordinarios levantes e seguimentos por parte destes pequenos xigantes do rastro.

Xulgadas as presentacións dos 8 lotes por parte dos xuíces José Moure Caneda e Francisco Javier Silva Fontán, o Delegado de Rastro da FGC, Manuel Martínez Casal, deu a coñecer a clasificación final desta fase autonómica.

Foi o lote dos bassets leonados de bretaña “Dante”, “Alaska”, “Clio” e “Eira” do coruñés José Luís Calvo Vázquez o que acadou o primeiro posto e se converteu deste xeito no novo Campión Galego da especialidade cun total de 569 puntos, facéndolle entrega da placa de Campión o presidente da Federación Galega de Caza en Pontevedra, Juan Ángel Alonso Pérez. En segunda posición, e tamén chegado da provincia de A Coruña, situáronse os beagles “Ero”, “Eras”, “Tula” e “Sam” de Juan Carlos Casas Cambón con 540 puntos. Con 530 puntos, ocupou o terceiro posto do podio o lote de beagles “Clay”, “Lima”, “Perla” e “Xouba” do pontevedrés Alfonso Rey Baulde.

O basset leonado de nome “Dante” propiedade de José Luís Calvo Vázquez foi nomeado como mellor can da proba ao acadar un total de 147 puntos.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL A CORUÑA DE RRCC
17/06/2019
O gañador da proba foi Vasconcellos Vicente e o campión provincial Torres Parada

RASTRO DE COELLO CASTELO DE VITRES
17/06/2019
Campionato de Rastro de Coello desputado en Castelo de Vitres

GALEGO DE XABARIL
17/06/2019
Sebastián Martínez con “Pumuky” campións galegos de rastro de xabaril en Dozón

PROVINCIAL DE PONTEVEDRA DE ARCO
12/06/2019
Os arqueiros pontevedreses desputaron o provincial en Fecap


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza