IV Copa España de Cans de Rastro modalidade Coello
O pasado 6 de outubro disputouse no Tecor coruñés de Dumbría unha edición máis da Copa de España de Cans de Rastro sobre Coello organizada pola Real Federación Española de Caza e a Federación Galega de Caza contando coa colaboración da Sociedade de Cazadores San Mamed de Dumbría.
Á proba acudiron un total de 12 lotes de cans os cales foron xulgados polos xuíces Manuel Vázquez Mosquera, José María Álvarez Villar e Isabel Negreira Chaves. A proba transcorreu sen imprevisto e o público asistente, cunha climatoloxía cambiante con forte vento pola maá, puido desfrutar do bo facer deste pequenos rastreadores.
Transcorridos os tornos de participación, a organización deu a coñecer a clasificación desta IV Copa España sendo o primeiro clasificado o lote formado por “Nina”, “Tula”, “Tara” e “Luna” propiedade de Antonio Lista Blanco con 530 puntos. A tan so 1 punto, situouse en segunda posición o lote de beagles “Eros”, “Era”, “Sam” e “Tula” de Juan Carlos Casas Cambón. “Champan”, “Demo”, “Boby” e “Terry” foi o lote propiedade de Óscar Esparis Agra o que se tivo que conformar coa terceira posición con 502 puntos.
Os xuíces nomearon ao can de nome “Chispa” propiedade de Manuel Pombo Bouzón como mellor can da proba cunha puntuación de 147 puntos.
Un xantar de irmandade entre xuíces, participantes e organización, seguida da entrega de premios por parte das autoridades alí presentes, entre as que se atopaba o presidente da Federación Galega de Caza, Javier Nogueira Diz, puxo o punto e final a esta IV edición da Copa de España de Cans de Rastro sobre Coello.
