A FGC estuda unha rede única de frecuencias de emisoras para toda Galicia

Na xornada de hoxe día 20 de agosto, tivo lugar na sede central da Federación Galega de Caza, sita en Santiago de Compostela, unha xuntanza entre o presidente da FGC, Javier Nogueira Diz, e representantes das catro federacións provinciais cun Enxeñeiro Técnico de Telecomunicacións para tratar, entre outros puntos, a temática e posible unificación das frecuencias de emisoras para o cazador galego no desenvolvemento da súa actividade. Todo elo co fin de buscar un mellor servizo e beneficio para o cazador galego.