Inicio Calendario Buscar Contacto

Novas
Imprimir
DEBATE INCENDIOS
A FGC, a grande ausente no debate sobre incendios que emite hoxe Via V
3/9/2013

A Federación Galega de Caza quere facer público o comunicado que ven de remitirlle á Dirección do programa de debate "Via V" de V Televisión:

Estimada Directora:

En relación coa invitación que recibimos no día de onte, vía teléfono, para participar presencialmente na tertulia de hoxe sobre os incendios forestais á que confirmámo-la nosa presenza nos estudios dese programa, pero posteriormente, por parte da produción do programa, comunícasenos que non podemos estar presentes no estudio por falta de espazo,  e por tanto convídannos a participar telefonicamente, desde esta Federación Galega de Caza, en representación dos cazadores galegos, queremos deixar claro o seguinte:

1º. A FGC, a través do seu presidente, ponse en contacto co programa “Vía V” o pasado 29 dos correntes, a raíz das informacións aparecidas en distintos medios do Grupo Editorial La Voz de Galicia, nas que se acusa aos cazadores e aos gandeiros de prende-lo lume, concretamente no incendio de Oia. Nesa comunicación, o presidente da FGC, ofrécese a participar nun programa de Vía V e invita á dirección do mesmo a realizar un debate monográfico no que participen, ademais de representantes da Administración, os sindicatos agrarios, as sociedades de caza da zona do Baixo Miño, e a propia Federación.

2º. A Federación Galega de Caza, entende que as acusacións infundadas vertidas gratuitamente  sobre o colectivo de cazadores como presuntos incendiarios, merecen cando menos poder estar presente no debate para poder defenderse, e te-lo dereito de réplica,  que non se daría no caso dunha intervención telefónica.

E por último, a Federación Galega de Caza quere aproveitar para solidarizarse con todos e cadaún dos afectados pola vaga de lumes, pero tamén cos cazadores desas zonas, un dos colectivos prexudicados pois nos terreos queimados non se pode cazar durante tres anos ademais doutros numerosos danos que os lumes producen no hábitat cinexético, e fai un chamamento á Administración e a todos os que, dun ou doutro xeito, convivimos, compartimos e amámo-lo monte, para que dunha vez por todas se poña en valor este importante patrimonio.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

INICIO TEMPADA XERAL DE CAZA
17/10/2019
Ás portas dunha nova tempada xeral de caza en Galicia

COMUNICADO DA FGC A CORUÑA
16/10/2019
A FGC de A Coruña denuncia, ante as autoridades competentes, actos furtivos na comarca Ferrolterra

#SOSYAGO
15/10/2019
Axúdanos a buscar a Yago, entre todos ímolo conseguir

DANOS XABARIL
02/10/2019
Comunicado da FGC ante a situación de emerxencia cinexética adoptada pola Xunta de Galicia


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza