Inicio Calendario Buscar Contacto

Novas
Imprimir
ADMINISTRACIÓN
O persoal da FGC ponse ao día con Mutuasport e estuda o novo plan de licenzas de emisora
29/11/2013

O equipo completo de traballadores da FGC reuníase este mércores na sede central da Federación Galega de Caza, en Santiago de Compostela, para unha posta ao día e debate de varios temas importantes no funcionamento administrativo da Federación.

A xornada de traballo comezaba as 9.30h da mañá, cunha charla impartida por Javier Vergés, Xerente da mutua de seguros Mutuasport, e por Javier Fernández, Xefe do Departamento de Sinistros de Mutuasport. Ambos responsables achegábanse á FGC para profundizar nos detalles das novas coberturas incorporadas pola aseguradora o pasado 1 de outubro, e que veñen a ampliar en grande medida as que se viñan ofrecendo aos federados durante os últimos anos, para adaptarse ás novas esixencias e demandas dos cazadores.

A xuntanza tamén contou coa presenza do Presidente da FGC, Javier Nogueira, así como de Francisco Couselo e Antonio Reinoso, Presidentes Provinciais de Pontevedra e Ourense respectivamente. Entre todos, directivos, responsables de Mutuasport e traballadores, fíxose un exhaustivo repaso de tódalas coberturas actualizadas, resolvendo as dúbidas formuladas, así como do novo protocolo de xestión de sinistros, que sen dúbida mellorará significativamente o servizo aos cazadores ao axilizar e facilitar certos trámites.

Tras o correspondente descanso para o almorzo, persoal e directivos presentes xuntábanse de novo para analizar e establecer un plan de traballo á hora de implantar no vindeiro ano un plan para que as licenzas de emisora sexan válidas en todo o territorio galego, en lugar de tratarse de autorizacións provinciais. A conclusión é positiva e fixéronse grandes avances neste sentido, polo que cabe esperar que o vindeiro ano os cazadores galegos poidan empregar as súas emisoras en toda a comunidade.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

FECAP
10/06/2019
Intensa participación da FGC na VI edición da FECAP

OS VEDADOS DO XABARIL
06/06/2019
A supresión de 300.000 hectáreas de vedados dos Tecores para a caza do xabaril

#AcazaTaménVota
26/04/2019
Primeiras valoracións da campaña “E de caza que?” da FGC ante os comicios nacionais

INFO FGC
24/04/2019
A FGC presenta as achegas ao Decreto da Carne de Caza


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza