Os Fogueteiros foron os campións
Campionato Provincial de Lugo de Caza de Raposo
O pasado sábado 11 de xaneiro disputouse o Campionato Provincial de Caza de Raposo de Lugo organizado pola Federación Galega de Caza en Lugo e contando coa colaboración da Sociedade de Cazadores do Tecor Terra Cha.
Á proba acudiron un total de 25 equipos e, sen lugar a dúbidas, foi unha xornada cinexética extraordinaria, onde a abundancia de raposos foi a nota predominante, facendo que os equipos gozasen de un sen fin de lances. Ata 90 raposos foron avistados, ao longo da mañá, polo total de equipos participantes.
Foi o equipo “Os Fogueteiros” o que conseguiu acadar o primeiro posto da clasificación xeral ao acadar un total de 2.500 puntos converténdose deste xeito no novo Campión Provincial da especialidade. O segundo clasificado, foi o equipo “Mazandan”, con 2.000 puntos. “Os de Cela” subiron o terceiro posto da clasificación final con tamén 2.000 puntos.
Estes 3 primeiros equipos clasificados conformarán a representación da provincia de Lugo na vindeira edición do campionato autonómico da especialidade.
