Campionato Provincial de Pontevedra de Caza San Huberto

Na xornada dominical de onte día 1 de xuño disputouse no Tecor da Sociedade de Caza A Tomiñesa o Campionato Provincial de Pontevedra de Caza San Huberto organizado pola Federación Galega de Caza en Pontevedra e contando coa colaboración de dita Sociedade de Cazadores.

Na proba participaron un total de 10 cazadores con 11 cans que foron xulgados por Santiago Saavedra Cuíña e Antonio González Álvarez. O campionato transcorreu sen imprevisto e os participaron agasallaron ao público presente con fermosos lances cinexéticos.

Foi Rafael Sánchez Malvar, Director da proba, o que deu a coñecer a clasificación final resultando do seguinte xeito:

O cazador Carlos Lalín Ferreiroa co pointer macho “Chico” o que acadou o primeiro posto cun total de 59 puntos converténdose no novo Campión Provincial da especialidade. En segunda posición, a tan so punto de Lalín Ferreiroa, remataba Javier Álvarez de Santamarina co setter inglés macho “Xerife”. Xa con 49 puntos o terceiro clasificado era Julio Mariño Taboada coa femia de pointer “Deza”.

Na categoría de Spaniel Springer o campión era Saturnino Pereira Vidal con “Cephus” con 35 puntos.

Un xantar de irmandade puxo o punto final a este campionato provincial no que o presidente da FGC de Pontevedra, Francisco Couselo, interviú na entrega de premios os primeiros clasificados.

Lembrar que a selección provincial de Pontevedra que acudirá ao Campionato Galego da especialidade quedou composta por Carlos Lalín Ferreiroa, Javier Álvarez de Santamarina, Julio Mariño Taboada, José Ramón Zamora Lorenzo, José Comesaña Pérez e Saturnino Pereira Vidal.