Volver ao inicio
Inicio Calendario Buscar Contacto

Novas
Imprimir
FORMACIÓN
A FGC impartirá máis dunha ducia de cursos de seguridade por toda a xeografía galega
4/7/2014

Durante os meses de xullo e agosto, e como preámbulo ao comezo da tempada de caza maior, a Federación Galega de Caza impartirá os cursos de seguridade previstos para este ano.

Tralo éxito do curso inaugural, que tivo lugar durante a Feira de Caza, Pesca e Natureza de Silleda, con máis de 120 asistentes, a FGC segue co seu plan de organizar polo menos tres cursos máis por cada provincia, que nalgúns casos superarán esta cifra. Estes cursos estarán repartidos dentro de cada provincia, tratando sempre de localizarse en puntos céntricos para que se poidan desprazar o maior número de cazadores posibles.

Baixo o título “Curso de Seguridade: formación de responsables de cacería”, este curso orientado especialmente a responsables de cacería –pero indicado para tódolos cazadores interesados en formarse en materia de seguridade- inclúe os seguintes bloques didácticos: Armas, municións e dispositivos auxiliares, Lexislación, e Organización de cacerías.

Ademais, todos eles rematarán cunha mesa redonda de debate onde os asistentes poderán expoñer as súas dúbidas e cuestións referentes ás medidas de seguridade na caza aos relatores, entre os que se atopan cazadores con grande experiencia en cacerías, avogados, e directivos expertos en materia de seguridade e lexislación.

Tódolos asistentes ao curso, que por suposto é totalmente gratuíto e aberto a tódolos cazadores, recibirán un diploma acreditativo de asistencia.

Pode consultar tódalas datas dos cursos  así como os métodos de contacto para inscribirse, na seguinte ligazón: Cursos de Seguridade 2014

 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

ORDE DE AXUDAS TERREOS QUEIMADOS
2025-09-10
A FGC ponse a disposición das Sociedades de Caza afectadas pola vaga de lumes

CURSOS FORMACION 2025
2025-09-05
Coa apertura da Escola de Caza a FGC aposta pola formación dos cazadores

OBSERVATORIO CINEXÉTICO
2025-09-03
Comeza a campaña de censos de caza maior do Observatorio Cinexético

OFICINA FGC CORUÑA
2025-07-28
A oficina da FGC da Coruña permanecerá pechada o vindeiro 4 de agosto


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza