Volver ao inicio
Inicio Calendario Buscar Contacto

Novas
Imprimir
ARCEAS
Cancela Rama acada o Campionato Galego de Arceas
24/11/2014

XIX Campionato Galego de Caza de Arceas desputado en Zas (A Coruña)

O pasado sábado 22 de novembro disputouse no concello coruñés de Zas, concretamente nos terreos do Tecor San Roque de Zas, a décimo novena edición do Campionato Autonómico de Caza de Arceas organizado pola Federación Galega de Caza e contando coa colaboración da Sociedade de Cazadores de dito terreo cinexético.

Á cita acudiron un total de 22 participantes, o campión da edición anterior máis os cazadores clasificados nas respectivas fases provinciais. Cazadores que unha vez tomaron a saída tentaron, durante as cinco horas que durou a competición, dar caza á sempre complexa arcea. A xornada transcorreu sen imprevistos e, apesares da intensa choiva, os participantes avistaron ata un total de 20 arceas no transcurso da competición, aínda que as capturas foron escasas.

Foi o coruñés Manuel Cancela Rama o que fixo a primeira entrada no control ás 12:23 horas, con unha arcea abatida. Este feito fixo que á postre Manuel Cancela se convertese no novo Campión Galego de Caza de Arceas.

O lucense Francisco Javier López Salvador obtivo o subcampionato galego cunha arcea e 500 puntos, acadando, xunto con Manuel Cancela, unha praza para o vindeiro Campionato Nacional de Arceas.

A sorte quixo que, o tamén lucense, Juan Carlos Bande López acadara o terceiro posto da clasificación xeral.

Unha vez que todos os cazadores fixeran a súa entrada en control, participantes, xuíces, organización e autoridades gozaron dun xantar de irmandade no que se fixo entrega dos premios por parte das autoridades alí presentes, entre as que se atopaba o alcalde do concello de Zas, Manuel Muiños, o presidente da Sociedade de Caza anfitrioa, Pedro Nieto, presidente provincial da FGC de Pontevedra, Francisco Couselo, e o presidente, da xunta xestora da FGC, Javier Nogueira.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CPTO. ESPAÑA CANS DE MOSTRA
2025-10-14
O setter “Zafir de Piago” do galego René Vale converteuse no Campión de España de Cans de Mostra Británicos e por equipos Galicia acadou o subcampionato nacional

NACIONAL DE SAN HUBERTO
2025-09-29
A galega Nuria Varela campiona feminina da Copa España de San Huberto

AUTONÓMICO DE COELLO
2025-09-28
Os beagles do coruñés José Javier Suárez acadan o autonómico de rastro de coello

PROVINCIAL DE PONTEVEDRA DE COELLO
2025-09-22
O lote propiedade de Arosa Dasilva proclamouse campión provincial na Lama


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza