Inicio Calendario Buscar Contacto

Novas
Imprimir
XUNTANZA
A FGC ratifícalle á Xunta o compromiso dos cazadores galegos cos danos do xabaril
31/8/2016

Na xornada de onte o Presidente da Federación Galega de Caza e representantes das catro federacións provinciais mantiñan unha xuntanza coas directoras xerais de Conservación da Natureza e de Gandaría, Agricultura e Industrias Alimentarias.

O motivo deste encontro era amosarlle aos representantes dos cazadores galegos a preocupación da Xunta de Galicia polos danos que está a ocasionar o xabaril, solicitándolles que intensifiquen a súa acción cinexética sobre esta especie.

Javier Nogueira indicou que “debemos ser mais áxiles cos permisos en zonas especiais como poden ser vedados ou zonas periféricas das poboacións, ou os xabarís rematarán por convertelos nos seus fortíns e seguirán a causar problemas. Do contrario, para cando chegue a solución xa será tarde”.

Tanto o Presidente da FGC como os representantes das Federacións Provinciais asumiron este compromiso, lóxico tendo en conta que xa comezou a tempada de caza maior, indicando que esta presión debe exercerse sobre todo nos puntos conflitivos, onde o xabaril está a ocasionar un maior dano.

O máximo responsable federativo tamén resaltou a necesidade de unión entre administración, cazadores e agricultores, pois só así será posible minimizar o problema do xabaril. “Un problema que xa deixou de ser cinexético para converterse nun problema social na nosa Galicia Rural”, concluíu Nogueira.

Finalmente a FGC desexa agracer á Consellería de Medio Ambiente, Territorio e Infraestruturas que contasen coa Federación Galega de Caza para facer fronte a este problema que afecta a tódolos galegos.

Non foi un camión, son as consecuencias do paso do xabaril

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

INICIO TEMPADA XERAL DE CAZA
17/10/2019
Ás portas dunha nova tempada xeral de caza en Galicia

COMUNICADO DA FGC A CORUÑA
16/10/2019
A FGC de A Coruña denuncia, ante as autoridades competentes, actos furtivos na comarca Ferrolterra

#SOSYAGO
15/10/2019
Axúdanos a buscar a Yago, entre todos ímolo conseguir

DANOS XABARIL
02/10/2019
Comunicado da FGC ante a situación de emerxencia cinexética adoptada pola Xunta de Galicia


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza