Inicio Calendario Buscar Contacto

Novas
Imprimir
RASTRO DE COELLO
O lote propiedade de Rey Baulde adxudícase o provincial
2/10/2017

O pasado sábado 30 de setembro disputouse no Tecor pontevedrés de San Martín de O Grove a XXIV edición do Campionato Provincial de Pontevedra de Cans de Rastro sobre Coello organizado pola Federación Galega de Caza en Pontevedra e  contando coa colaboración da Sociedade de Cazadores de dito Tecor.

Nun terreo con boa densidade de coellos, os cans tentaron demostrar a súas calidades de procura, desencame, seguimento e traballo en equipo, que con un bo condutor puxeron difícil as tarefas os xuíces á hora de elaborar a acta final. Destacar a ampla participación con 72 cans inscritos en 18 lotes.

Alfonso Rey Baulde co lote composto por “Clay”, “Trus”, “Trasno” e “Xouba” foi o que se impuxo nesta edición do Campionato Provincial de Rastro de Coello ao obter unha puntuación de 519 puntos. “Blanca”, “Chispa”, “Ramiro” e “India” propiedade de Cristobal Cacheda Chouza obtiña a prata con 490 puntos. Moi preto, en terceira posición situouse o lote composto por “Susi”, “Rosa”, “Lori” e “Cris” propiedade de Iván Aragunde Coira con 464 puntos. 

A cadela “Xouba” propiedade de Alfonso Rey Baulde foi nomeada como mellor can da proba con 142 puntos.

Un xantar de irmandade e a entrega de premios na que interviñeron as autoridades alí presentes, entre as que se atopaba o concelleiro de deportes de O Grove, Santiago Meis, o Comandante do posto da Garda Civil, Sarxento Arias, o presidente da Sociedade de Caza anfitrioa, José María Fernández e o presidente da Federación provincial de Caza Francisco Couselo, puxo o punto e final a este campionato provincial de Pontevedra de Cans de Rastro de Coello.

Queda todo emprazado para o vindeiro 7 de outubro, na localidade pontevedresa de Pazos de Borbén, onde se disputará o Campionato Galego de Cans de Rastro sobre Coello. Un autonómico que terá a estes tres primeiros lotes clasificados máis ao campión galego da edición anterior, Jaime López Castro, a representación da provincia de Pontevedra nesta destacada cita da competición cinexética. 

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CAZA DE ARCEAS LUGO
11/12/2017
Díaz Paz gañador en Friol

EN ARCHIDONA, MÁLAGA
4/12/2017
Os arqueiros galegos traen unha prata e un bronce para Galicia no Campionato de España de RRCC con Arco

II COPA FEDERACIÓN
4/12/2017
Cans de parada e arceas en Noia e Lousame

EN TORDOIA
6/11/2017
O ourensán Jorge Vázquez Iglesias, novo Campión Galego de Caza Menor con Can


Federación Galega de Caza  
Estadio Multiusos de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza