O pasado sábado 27 de outubro desputouse nos terreos do Tecor da  Sociedade de Caza Terra Cha o Campionato Provincial de Lugo de Caza Menor con Can organizado pola Federación Galega de Caza de Lugo coa colaboración de dita Sociedade de Cazadores.

Os diferentes cazadores chegados dende varios puntos da provincia lucense desfrutaron dunha moi boa xornada cinexética nestes montes da Sociedade de Caza Terra Cha no que os intensos traballos de xestión realizados por dito Tecor víronse reflexados na alta densidade de caza avistada por parte dos cazadores participantes. A pesar de que a climatoloxía foi moi dura e fixo que o resultado final poidese ser moito mellor do que xa de por si foi extraordinario. Mostra delo foi a entrada en control con caza por parte de 13 dos 15 cazadores participantes, e os 6 primeiros clasificados co cupo de perdices completo.

Foi o cazador Antonio González Álvarez o que obtiña o título de Campión Provincial con 1.100 puntos. En segunda posición remataba Juan Carlos Rodríguez González con  tamén 1.100 puntos. E Jaime González Yáñez  acadaba o bronce tamén con 1.100 puntos.

A estes tres cazadores acompañaranos Marcos Rodríguez Ferreiro e Francisco Javier López Salvador, conformando deste xeito o equipo lucense que representará a esta provincia no vindeiro Campionato Galego da especialidade.