A FGC e Proyecta Galicia asinan un convenio de colaboración en beneficio dos cazadores federados

A FGC ven de asinar un convenio de colaboración coa correduría de seguros Proyecta Galicia a traves do cal os cazadores federados poderán obter importantes descontos na contratación do seguro do seu todoterreo.

A Federación Galega de Caza é consciente da importancia dos vehículos todoterreo para a práctica da actividade cinexética. É por isto que a FGC tenta, trala firma deste convenio, axudar á economía do cazador galego dándolle a posibilidade de asegurar o seu todoterreo cun desconto económico importante polo feito de ser federado.