Inicio Calendario Buscar Contacto

Novas
Imprimir
XABARIL MESÓN DO VENTO
Francisco Rodeiro con “Zeus” gañadores no Mesón do Vento
31/07/2021

Proba de Cans de Rastro Atraelados modalidade Xabaril

Cunha destacada participación, máis de 40  cans e monteiros, este sábado 31 de xullo tiña lugar a Proba de Cans de Rastro Atraelados sobre Xabaril de Mesón do Vento – I Memorial Jorge Rivas. O campionato estivo organizado pola Sociedade de Caza “O Gatillo” en colaboración coa Federación Galega de Caza en A Coruña e diferentes casas comerciais.

O Director da Proba e Delegado Nacional e Autonómico da especialidade, Oscar Meijide, dividiu os participantes en dous campos e ata un total de 12 cans clasificáronse para a fase final. Unha final na que Francisco Rodeiro co can “Zeus” foi o claro gañador ao obter un total de 245 puntos. O participante lucense Michael Otero con “Chacho” e con  “Camarón” obtiña o segundo e terceiro posto da xeral con 229,5 e 219 puntos, respectivamente. Luis Bascoi con “Kapi” foi galardoado pola organización ao ser o mellor monteiro local neste campionato.

 

Na entrega de premios estiveron presentes membros da Real Federación Española de Caza, do Concello de Ordes e da Federación Galega de Caza os cales agradeceron a participación e deportividade dos monteiros. O presidente da FGC e Tesoureiro da RFEC, Javier Nogueira, recollía unha placa de recoñecemento en nome de Manuel Gallardo, presidente da RFEC, que por motivos de saúde non puido acudir a cita e que a organización da proba quixo obsequiar polo seu cargo ao fronte da presidencia da RFEC.

Autoridades, organización e participantes remataron o acto de clausura cun emotivo aplauso en memoria de Jorge Rivas, gran apaixoado do mundo cinexético.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL A CORUÑA DE COELLO
19/09/2021
Formoso Raposo acada o primeiro posto do provincial de coello

PROVINCIAL PONTEVEDRA DE COELLO
13/09/2021
O lote propiedade de Martínez Bua proclamouse campión provincial en Valga

NACIONAL CANS DE MOSTRA
13/09/2021
Galicia colleita grandes resultados no Nacional de Cans de Mostra

GALEGO DE ARCO
26/08/2021
Voaron as frechas dos mellores arqueiros galegos


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza