O lote propiedade de Alfonso Rey proclamouse campión provincial en nas Neves
XXIX Campionato Provincial de Pontevedra de Cans de Rastro modalidade Coello
Con 17 lotes participantes desputábase, nos terreos do Tecor Santa Bárbara das Neves - Arbo, o Campionato Provincial de Pontevedra de Cans de Rastro modalidade Coello.
O campionato, celebrado o pasado 9 de setembro, contou coa organización da Federación Galega de Caza en Pontevedra e coa colaboración da Sociedade de Cazadores do mencionado terreo cinexético.
A proba foi dirixida por José Manuel Martínez e actuaron como xuíces: José Carlos Arousa, Ramón Collazo, José Alonso e Óscar Esparís.
O cazador Alfonso Rey Baulde coas cadelas Fousa, Xesta, Fosta e Fara resultou campión cunha puntuación de 546 puntos. A prata foi para Julio González Souto cos cans Tilín, Perla, Pere e Linda cun total de 500 puntos. O campión da pasada edición, Víctor Casqueiro Casqueiro, obtiña o terceiro posto con Branca, Perla, Toxa e Pancho e un total de 480 puntos.
A cadela Fousa, propiedade do campión Alfonso Rey, obtiña o galardón de Mellor Can da Proba con 142 puntos.
A clausura do campionato foi presidida polo presidente da FGC de Pontevedra, Paco Couselo, e estiveron presentes as seguintes autoridades: o Alcalde das Neves, José Manuel Alfonso, a súa concelleira de deportes, Ana Belén Durán, o Presidente da Sociedade de Cazadores Santa Bárbara, Odón Regueira e o Tesoureiro, José Carlos Abreu, e tamén asistiu o incombustible Tito Couñago.
Este Campionato contou coa colaboración de Pensos Bichoucos e co patrocinio da Secretaría Xeral para o Deporte e Mutuasport.
