Volver ao inicio
Inicio Calendario Buscar Contacto

Novas
Imprimir
FOMENTO E PROMOCIÓN DA CAZA
A formación e fomento da caza foron puntos de encontro entre a Dirección Xeral de Patrimonio Natural e a FGC
07/11/2023

O pasado 3 de novembro, a Dirección Xeral de Patrimonio Natural e a Federación Galega de Caza reafirmaron o seu compromiso para seguir colaborando, o vindeiro ano, na realización e impulso de actividades formativas dirixidas ao colectivo dos cazadores así como noutras medidas que fomenten novas incorporaciónse e axudas ao sector.

Na reunión mantida entre a Directora Xeral de Patrimonio Natural, Belén do Campo, e a FGC, a cal estivo representada polo seu Presidente, Luís Eusebio Fidalgo, polo Vicepresidente, Ramón Rodríguez e o Secretario Xeral, José Moure, abordáronse diferentes asuntos de interese cinexético.

Ambas partes coincidiron na necesidade de seguir colaborando na formación continua de cazadores e responsables das sociedades de caza  a través da organización de cursos, charlas e campañas de divulgación ao redor de temáticas de interese para o sector. Destacando os máis de 300 federados que participaron nesta edición 2023 dos Cursos de Formación. 

A Federación recoñeceu a súa preocupación pola remuda xeracional e incidiu na necesidade de abrir a actividade a novos colectivos. 

O ente federativo, de xeito argumentado, solicitou axudas para cazadores como a gratuidade da licenza de caza para todos os rangos de idade, a exención do pagamento das taxas das sociedades de caza e axudas económicas para realizar traballos de melloras de hábitats por parte dos Tecores e sociedades de caza.

Por último, a directora xeral e os membros da directiva da FGC intercambiaron impresións sobre as primeiras semanas de vixencia da emerxencia cinexética polo xabaril, que entrou en vigor o pasado 16 de setembro en 37 comarcas co fin de axilizar a aplicación de medidas dirixidas ao control das poboacións desta especie naquelas zonas con maior incidencia, a través de distintas modalidades e procedementos de captura.

Neste sentido, Belén do Campo agradeceu a colaboración dos cazadores na aplicación das medidas previstas no marco desta declaración temporal e ambas partes confiaron en que dea os resultados agardados.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

CURSO FORMACION XUÍCES TIRO
15/04/2024
Celebrado o Curso de Formación de Xuíces e Árbitros de Tiro

COMITÉ GALEGO DE CAZA
15/03/2024
Celebrado o Comité Galego de Caza que marca as pautas da vindeira tempada cinexética 2024/2025

FORO LOBO
12/03/2024
A protección e convivencia do lobo a debate en Lugo

A CAZA TAMÉN VOTA
07/02/2024
Ante os comicios autonómicos a FGC activa “A Caza Tamén Vota”


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza