A Real Federación Española de Caza (RFEC) e as federacións autonómicas de caza celebran que o Goberno desmentise con datos oficiais o falso relato do abandono masivo de cans de caza, e iniciaron accións para esixir aos medios de comunicación, representantes públicos e organizacións políticas que se ateñan á verdade antes de criminalizar aos cazadores.
Por primeira vez, o propio Executivo ofrece datos verificables e públicos que confirman o que o sector cinexético leva anos defendendo: a caza non é o problema do abandono animal no noso país. Segundo o informe do Ministerio de Asuntos Sociais e Axenda 2030, en 2023 rexistráronse 15.216 cans perdidos ou abandonados en toda España, unha cifra que inclúe todas as razas e circunstancias —desde extravíos temporais ata roubos ou entregas voluntarias—, polo que o número real de abandonos é mesmo menor.
Dese total, só un 12,9 % corresponde a razas de caza, o que equivale a 2.422 cans recolleitos, dos cales 1.965 serían realmente extraviados ou abandonados. No caso dos galgos, a porcentaxe baixa ao 2,8 % (uns 425 animais). En total, menos de 3.000 cans de razas de caza realmente perdidos ou abandonados en toda España fronte aos 50.000 que difunden algunhas organizacións animalistas. Unha diferenza abismal que evidencia a manipulación sistemática da verdade e o dano reputacional causado ao colectivo de cazadores.
Desde as federacións de caza denúnciase que, durante anos, grupos políticos e medios de comunicación difundiron sen contrastar un relato falso e profundamente inxusto, marcando a miles de cazadores e posto baixo sospeita a quen máis coidan, respectan e valoran aos seus cans.
“O propio Goberno falou. Os datos son oficiais, públicos e verificables. Xa non caben escusas nin interpretacións ideolóxicas. Pedimos aos responsables públicos e aos medios de comunicación que sexan rigorosos, que contrasten a información e que non volvan criminalizar ao sector cinexético con bulos interesados”, subliñan as entidades.
A RFEC e as federacións autonómicas de caza coinciden en que este informe “marca un antes e un despois”, porque desmonta de forma definitiva o mito do abandono masivo de cans de caza e dá a razón a quen leva anos reclamando datos obxectivos fronte á propaganda animalista.
“Os cazadores somos os primeiros interesados no benestar dos nosos cans. Son a nosa ferramenta, a nosa familia e o noso orgullo. Coidámolos, alimentámolos e protexémolos. A verdade xa está sobre a mesa; agora esiximos que se respete”, conclúen.
