Daniel Cebreiro gañador do provincial coruñés de Compak
O Campionato Provincial de Coruña Compak Sporting “Xunta de Galicia” celebrouse no día de onte, 24 de maio, e estivo organizado pola Federación Galega de Caza na Coruña e contou coa colaboración da Sociedade Deportiva Río Sar.
A proba desputouse nas instalacións do campo de tiro de Río Sar a 100 pratos en catro canchas. Máis de medio cento de tiradores tentaron acadar as mellores marcas nas diferentes categorías para formar a selección provincial para o vindeiro Autonómico da especialidade que se desputará, o 7 de xuño, en Río Sar.
Foi Daniel Cebreiro García o tirador que obtivo o título de campión provincial despois de escachar un total de 96 pratos. Unha marca que non foi quen de alcanzar o senior Antonio Iglesias Otero que se tivo que conformar co segundo posto da xeral e primeiro da categoría con 93 pratos. No terceiro caixón do podio da clasificación xeral situouse José Manuel Fernández Añón con 91 pratos.
En Senior a plata era para Manuel García Pombo con 90 pratos. E o bronce era para Ramón Conde Mouriño con 89 pratos.
Na categoría de Veteranos o campión era o lucense Manuel Magide López con 75 pratos namentras que o campión provincial era Manuel Regueiro Castro con 74 pratos. Elisardo Cea Cebreiro obtivo o segundo posto do provincial con 71 pratos.
Juan Manuel Lareo Asorey obtiña o primeiro posto en Tiro Adaptado e en Máster o campión da categoría na xeral foi Eliseo Faraldo Fernández.
Este campionato provincial contou co patrocinio da Secretaría Xeral para o Deporte, Proyecta Galicia e Mutuasport.
