Rio Sar acolle o Campionato de España de Pecorridos de Caza, puntuable para a Copa do Mundo
Tiradores de tódalas comunidades autónomas do Estado disputarán dende mañaná venres (día 2 de xullo) ata o vindeiro domingo día 4 a final do Campionato de España de Pecorridos de Caza con pratos, que nesta ocasión é puntuable para a Copa do Mundo Grand Prix, polo que tamen está confirmada a participación de tiradores mexicanos, portugueses e suizos, entreoutros.
A competición desenvolverase nos campos de tiro Rio Sar , en Chaián-Trazo, e Canteira Pedra Facha, en Niveiro-Val do Dubra, sobre 200 pratos de arcilla ecolóxica aos que deberá enfrentarse cada tirador perante os tres días que dura a competición.
Os galegos, xunto co campión da pasada edición, o andaluz Juan Valero Domínguez, parten como favoritos. A selección galega está formada polos senior Antonio Iglesias Otero e Diego Antelo Noya (Santiago), David Seoane Viaño (Oroso), e Ángel Mosquera Cornide (Ferrol); así como polo veterano Jaime Vilas Pereira (Baiona); e polo superveterano Ángel Mosquera Rodríguez (Ferrol).
HORARIOS:
.- Xoves, día 1 de xullo:
.- Adestramentos dende as 10 ata as 19 horas
.- Nomeamento do xurado
.- Sorteo de escadras e dorsais
.- Recepción de participantes e entrega de dorsais
.- As 20,30 horas, inauguración oficial, trala cal serviráse un viño galego e degustaranse productos da terra.
.- Venres, día 2 de xullo:
.- Dende as 9 horas, tirada oficial, nos campos de tiro Rio Sar e Pedra Facha. Tiraranse 100 pratos.
.- Sábado, día 3 de xullo:
.- Dende as 9 horas, tirada oficial, nos campos de tiro Rio Sar e Pedra Facha. Tiraranse 75 pratos.
.- Domingo, día 4 de xullo:
.- Dende as 10 horas, tirada oficial, nos campos de tiro Rio Sar e Pedra Facha. Cada tirador deberá enfrentarse aos últimos 25 pratos.
.- 14 horas, clausura da competición e entrega de premios, tras cuxos actos servirase un vio galego e productos da terra cedidos por casas comerciais.
