Inicio Calendario Buscar Contacto

Novas
Imprimir
RASTRO DE COELLO
Juan Francisco Pousa impúxose na III edición da Copa España
10/10/2011

Na proba nacional participaron un total de 18 lotes

O pasado 8 de outubro, tivo lugar no concello pontevedrés de Valga, concretamente no Tecor de San Huberto, a III edición da Copa de España de Cans de Rastro modalidade Coello, organizado polo Real Federación Española de Caza e a Federación Galega de Caza en colaboración coa Sociedade de Cazadores do Tecor de San Huberto de Valga.

A proba asistiron un total de 18 lotes compostos por 4 cans cada un, e foron xulgados polos xuíces José Moure Caneda, Roberto Carlos Costa Tellado, José Montoiro González e Francisco Javier Silva Fontán.

As boas condicións climáticas, quizais cunhas temperaturas superiores as agardadas para esta época do ano, fixo que no transcurso da competición o público asistente puidese desfrutar de moi boas presentacións dos lotes participantes. Feito este que estivo moi influenciado pola boa densidade de coellos que atesoura este Tecor pontevedrés.

Unha vez rematada a competición, o Xurado da Proba, constituído por Antonio Pensado Martínez, Gustavo Miguéns Gasamans e Manuel Martínez Casal, actuando este último como Director da Proba, deron a coñecer a clasificación final quedando do seguinte xeito: O primeiro posto, e polo tanto campión da III Copa de España de Cans de Rastro modalidade Coello foi para Juan F. Pousa Fernández co lote formado por “Chita”, “Pinta”, “Luna” e “Yoli” con 525 puntos. O segundo posto recaeu en Jaime López Castro con “Pistón”, “Ton”, “Linda” e “Tina” e un total de 500 puntos. “Terry”, “Ali”, “Champán” e “Duco” constituíu o lote clasificado en terceira posición e propiedade de Oscar Esparís Agra e 493 puntos.

O xurado outorgou ao can “Pistón” propiedade de Jaime López Castro o premio o Mellor Can da Proba con 140 puntos.

 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

PROVINCIAL DE PONTEVEDRA DE ARCO
12/06/2019
Os arqueiros pontevedreses desputaron o provincial en Fecap

PROVINCIAL PONTEVEDRA DE XABARIL
10/06/2019
Ares Lorenzo gañador do provincial de Pontevedra de Rastro de Xabaril

GALEGO DE COMPAK SPORTING
10/06/2019
O tirador Blanco Puertas gañador do autonómico de Compak Sporting

XXIII FESTA DA CAZA DE LUGO
03/06/2019
Novo éxito da edición XXIII da Festa dos cazadores lucenses


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza