Volver ao inicio
Inicio Calendario Buscar Contacto

Novas
Imprimir
CAZA MENOR PONTEVEDRA
González Souto acadou en Meis o primeiro posto
14/11/2011

XXV Campionato Provincial de Pontevedra de Caza Menor con Can

O pasado sábado 12 de novembro disputouse no Tecor da Sociedade de Cazadores “Armenteira”, no concello de Meis, o Campionato Provincial de Pontevedra de Caza Menor con Can organizado pola Federación Galega de Caza en Pontevedra en colaboración con dita Sociedade de Caza.

Ata un total de 25 cazadores cos seus respectivos xuíces déronse cita, o pasado sábado, no concello de Meis, para participar nesta XXV edición do Campionato Provincial de Caza Menor. Un campionato no que a abundancia de pezas avistadas e abatidas marcou sen lugar a dúbida o desenrolo de tan importante cita do calendario cinexético da FGC.

As 9:00 h, tivo lugar o pistoletazo de saída dos cazadores que pronto se foron espallando por tódolos recunchos de dito Tecor para poder dar caza as diferentes pezas puntuables. Un Tecor no que o coello é a especie raíña e que todos os participantes eran sabedores.

Chegadas as horas centrais do día, tódolos cazadores cos seus xuíces facían a entrada en control dentro do horario previsto pola organización. Unha vez analizadas as ditas pezas entregadas no control, o Xurado de Competición deu a coñecer a clasificación final que quedou do seguinte xeito. Nada máis e nada menos que 4 coellos foron entregados por Julio González Souto que lle outorgaron o primeiro posto da clasificación e polo tanto novo Campión Provincial con 1225 puntos. En segunda posición con 3 coellos abatidos e 1050 puntos situouse Cristóbal Cacheda Chouza. O mesmo numero de pezas, 3 coellos, tamén foron aportadas por Benito Abal Costa que lle reportaron o terceiro posto.

A estes tres cazadores uniránselles José A. Vasconcellos Vicente, Gustavo Martínez Pérez e Saturnino Pereira Vidal que formaran o equipo que representará a provincia de Pontevedra no Campionato Autonómico da especialidade que se disputará o vindeiro sábado día 19 no concello coruñés de Tordoia.
 

 
Ver máis novas de
Competicións Federación Eventos Lexislación Medio Rural / Forestal
 
Máis novas nesta categoría

XABARIL SALVAXE EN RIANXO
23/05/2022
Miguel Ángel co seu can “Nico” foi o campión da terceira edición da proba sobre xabaril salvaxe en Rianxo

CAN DE OURO - RASTRO DE COELLO
23/05/2022
O lote propiedade de Juan Formoso foi o campión do Can de Ouro en Rastro de Coello

MEMORIAL CANOSA SENLLE
23/05/2022
René Vale gañador no emotivo Memorial Canosa Senlle

CAMPIONATO GALEGO DE PAXARILES
18/05/2022
Campións autonómicos de paxariles


Federación Galega de Caza  
Estadio Vero Boquete de San Lázaro, Porta 12 - 15707 Santiago de Compostela (A Coruña)  
Tlf: 981 562 777 / Fax: 981 562 779 / federacion @ federaciongalegadecaza.com 
Aviso legal | Política de privacidade | RSS | Mapa da web         © Federación Galega de Caza